У Заслаўі адбудзецца адкрыццё Музея беларускай маляванкі! – zaslavl-info.by

У Заслаўі адбудзецца адкрыццё Музея беларускай маляванкі!

18 мая, у Міжнародны дзень музеяў, пачне работу новая, доўгачаканая, экспазіцыйная прастора ў складзе Гісторыка-культурнага музея-запаведніка «Заслаўе» — Музей беларускай маляванкі. Урачыстае адкрыццё пастаяннай экспазіцыі адбудзецца а 12:00-й гадзіне па адрасе: вул. Дачная, д. 13, г. Заслаўе.

У рамках мерапрыемстваў, прымеркаваных да Міжнароднага дня музеяў і пачатку работы новага музея, запланаваны шэраг акцый і мерапрыемстваў, у тым ліку:

- урачыстае адкрыццё часовай экспазіцыі «Маляваны дыван: свята колеру, формы і сюжэту» і акцыя  «Музей беларускай маляванкі. Плён і пожня ў сэрцах…» — 19 траўня а 14:00-й, Музей беларускай мяляванкі (вул. Дачная, д. 13, г. Заслаўе);

- акцыя «Музей Беларускай маляванкі/Discovery — стань першым!» у рамках міжнароднага праекта «Ноч музеяў» — 19 траўня а 19:00-й, Музей беларускай мяляванкі (вул. Дачная, д. 13, г. Заслаўе).

Назва

мерапрыемства

Дата правядзення

Месца правядзення

Агульная інфармацыя па мерапрыемству

Урачыстае адкрыццё  «Музея беларускай маляванкі»

18.05

12:00

вул. Дачная,

13, г. Заслаўе

Адбудзецца ўрачыстае адкрыццё новага музейнага аб’екта ў складзе музея-запаведніка. Экспазіцыя будучага музея стваралася напрацягу некалькіх год і накіравана на раскрыццё ўнікальнасці выключна беларускіх маляваных дываноў.

Экспазіцыя прадэманструе лепшыя прыклады беларускай народнай выяўленчай культуры, а таксама ўнікальныя шэдэўры Алены Кіш і  Язэпа Драздовіча з сабрання музея-запаведніка. Плануецца, што ў мерапрыемстве будуць удзельнічаць ганаровыя госці, прадстаўнікі абласных і раённых выканаўчых камітэтаў, кіраўнікі прадпрыестваў і арганізацый Заслаўя, якія ўдзельнічалі ў стварэнні музея, дырэктары ўстаноў адукацыі і культуры.

Акцыя да Міжнароднага дня музеяў «Музей беларускай маляванкі. Плён і пожня ў сэрцах…»

19.05

14:00

вул. Дачная,

13, г. Заслаўе

У шэрагу мерапрыемстваў, прымеркаваных да ўрачыстага  адкрыцця новага музейнага аб'екта ў складзе музея-запаведніка, пройдзе акцыя, падчас якой у новай экспазіцыі сустрэнуцца калегі – цяперашнія супрацоўнікі і тыя, хто працаваў раней, таксама сябры запаведніка, творчыя людзі, аматары і знатакі беларускага традыцыйнага інсітнага (наіўнага) мастацтва.

«Музей Беларускай маляванкі/Discovery — стань першым!»

 

19.05

19:00-22:00

вул. Дачная,

13, г. Заслаўе

Музей-запаведнік «Заслаўе» 19 мая далучаецца да Міжнароднай акцыі «Ноч музеяў».

Ноч музеяў-2023 у Заслаўі – гэта адкрыццё! Толькі ў гэты вечар удзельнікі мерапрыемства стануць першымі, хто ўбачыць экспазіцыю «Музея беларускай маляванкі». У гэты ж вечар гасцей чакаюць: лекцыі, адукацыйныя гутаркі і сустрэчы з даследчыкамі, майстар-класы; прагляд дакументальных фільмаў пра майстроў маляваных дываноў; діцячая тэрыторыя; жывая музыка; сувеніры.

 

Для сувязі:

Тэл.: +375–17–5177613

e-mail: nea@zaslaue.by

навукова-экспазіцыйны аддзел Запаведніка

0 Комментариев
Карта
Погода